جولة سريعة فى تاريخ الإعلانات

أول سيلزمان فى جريدة لبيع مساحات إعلانية عام 1841

Add description📷

Volney Palmer 

بعدها فتح أول شركة إعلانات فى أمريكا وكانت بداية فترة ازدهار الإعلانات فى الجرايد وبداية ظهور كبرى شركات الإعلانات فى الوقت الحالي

عام 1886 DDB & JWT

بعدها ب 4 سنين BBDO

Add description📷

John E. Kennedy 

كان فريلانسر كوبي رايتر زي حالاتي لكن مع فروقات انه كان عايش فى كندا .. وفى عام 1905 جه شيكاغو واشتغل فى شركة Lord & Thomas ..

وكانت ساعتها من أوائل الشركات اللى ظهرت وبدأت عام 1881 ..

اتعين عن طريق انه بعت رسالة للشركة وقالهم انا قاعد برا لو عايزين تعرفوا يعني ايه إعلان ابعتولي الأوف بوي ودخل عمل انترفيو واتعين بأعلى مرتب لكوبي رايتر فى وقتها .. هو عرف الإعلان على إنه

“salesmanship in print”

ويعتبر ساعتها غير مفهوم الإعلان بمعنى انه خلى الإعلان بيكون مكتوب بصيغة راجل المبيعات وموجه للقارئ

أول إعلان فى الإذاعة عام 1922

فى عام 1918 وصل عدد شركات الإعلانات الى 18 شركة ثم حصل النقلة من الجرايد الى الراديو

وظهر أول إعلان فى الراديو

.. بعدها ب4 سنين جه مهندس استكلندي اسمه

Add description📷

John Logie Baird

واخترع التلفزيون سنة 1926

Add description📷

وفى محاولات تطوير الرسالة الإعلانية وتحديدًا عام 1940 .. توصل الأمريكي 

Rosser Reeves

الى كونسبت

Unique Selling Proposition (USP)

بمعني إن الإعلان يركز على فايدة واحدة بس ويعرضها للقارئ

ومن أشهر القصص الناجحة فى النقطة دي كانت

لـ Ogilvy

اللى لُقب the father of advertising

Add description📷

عمل شركته 1948 وفى عام 1964 حصل دمج لشركته مع شركة كانت بدأت من عام 1850

وبقا اسمها Ogilvy and Mather..

المثال كان لصابونة Dove

Add description📷

عام 1950 .. خلها صابونة مخصصة لجمال السيدات مش صابونة تستخدمها فى اي حاجة والاتجاة دا خده بناءاً على ميزة فعلا فى المنتج ..

كان سمع الفيدباك من حد استخدم الصابونة .. عمل حملة سماها

Real beauty

واستخدم اللاين دا “You are more beautiful than you think.”

Add description📷

أول إعلان تليفزيوني عام 1942

بعد الشوط الأول لفريقين باسكت بول فى نيويورك ظهر إعلان لشركة تصنيع ساعات إسمها بولوفيا .. مقدرتش اتوصل لاسم الشركة اللى عملته .. اتقال ساعتها انه كان قصير وبسيط وكان تكلفته 9 دولار

market segmentation

نتيجة الانتشار وتعدد المنتجات إتحولت الرسالة الإعلانية من التركيز على المنتج الى التركيز على الجمهور .. فبدلا من دعاية منتج واحد لقاعدة جماهيرية كبيرة .. بقا الاهتمام بتلبية احتياجات مجموعة من الناس .. ومع ظهور الانترنت واستخدام التسويق بالبريد الإلكتروني أصبح مسألة تحديد الجمهور المستهدف أسهل ..

Add description📷

فظهرت فكرة Positioning

عام 1970 .. وقدمها اتنين من خبراء التسويق اسمهم

Al Ries and Jack Trout

.. ومعناه ربط المنتج بحالة ما فى ذهن العميل .. ومثال للفكرة .. كان فى الوقت دا عربيات

VOLVO

:) عملولها إعلانات من حتة الأمان .. لو عايز أمان ليك ولأسرتك .. هي دي عربيتك .. دا سلوجن من دماغي طبعا

بناءا على تسلسل الأحداث .. بدأ التسويق الإعلاني بالاهتمام بميزة فى المنتج ثم الاهتمام بتحديد الجمهور المستهدف ثم ربط بين الاتنين فى إنه اهتم يوصل صورة عن المنتج فى ذهن العميل المستهدف.

طارق نور

نرجع ونستكمل سلسلة التواريخ ولكن من مصر.. درس التسويق الإعلاني فى أمريكا ورجع 1973 اشتغل فى وكالة الأهرام للإعلان .. بعد كدا عمل أول شركة مصرية خاصة للإعلانات وكان شريك فيها واسمها أمريكانا عام 1979 ثم شركة طارق نور للإعلان وبعدها بفترة بسيطة بقا عنده مجموعة شركات فى الدعاية والإعلان والإنتاج وقناة تليفزيونية وكمان كان المسئول عن الحملة الرئاسية لحسني مبارك 2005 وصاحب فكرة ان حسني يلبس قميص وبنطلون بدل البدلة

أغلب الشركات اللى بدأت مع بداية ظهور فكرة الإعلانات وكان لأصحابها بصمة .. كملت وبقا ليها فروع فى دول العالم وبقا الإعلان شئ أساسي فى عملية العرض والبيع للمنتجات والخدمات فى التليفزيون .. ومن تاريخ أول إعلان 1942 .. كل فترة فى نوع جديد من الإعلانات بيظهر وينتشر .. والفترة الأخيرة استخدمت الأنواع دي بطرق مختلفة وعمل ميكس بينهم .. وزي ما الكلام مهم فى أقناع العميل بالمنتج ..

كمان ال visual

اللي خارج بيها الإعلان بقا مهم جدا وبقت الشطارة على رأي واحد من أصحاب الفضل عليا .. محمد صلاح الكريتف دايركتور فى BirdMilk

إن الكريتف يكون مرتبط بالمنتج .. يعني اللعبة كلها إنك تعمل الإعلان اللى يكون مبدع بمعنى إنه يشد الانتباه ويعلق فى ذهن المشاهد ويوصل الرسالة الإعلانية فيلبي احتياجات الجمهور المستهدف فياخد أكشن فيحصل طفرة فى المبيعات.

*حقوق الملكية محفوظة